[Special 36th Birthday-with video] यस कारण बिशेष भयो मेरो जन्मदिन

यो गन्थन मन्थन मैले मेरो बाल्यकाल, मेरो भोगाई अनि सिकाईको बारेमा खुलारुपमा पस्कन पाएँ । यस मानेमा पनि म यो गन्थन मन्थनलाई विशेष मान्छु ।

प्राय अंग्रेजी र नेपाली क्यालेण्डरको मिति एक दिन अघि पछि हुन्थ्यो । यसले पनि मलाई चिन्ने साथिभाई शुभचिन्तकलाई शुभकामना दिन केही अल्मल्याउथ्यो । केहीले जन्मदिनको शुभकामना पोष्ट्याउनु अघि फोन म्यासेज गरेर निश्चित गर्नुहुन्थ्यो ।

यस पटक भने त्यस्तो भएन । दुबै क्यालेण्डरको मिति मिल्यो । त्यसैले पनि हिजो मेरो जन्मदिनको दिन दिनैभरि मेरो फोन, म्यासेज र सामाजिक संजालका भित्ताहरु जन्मदिनको शुभकामनाले भरिए ।

मैले यसलाई मेरो जन्मदिनको शुभकामनामात्र होइन, मेरो शिरमा हजुरहरुले राखिदिएको आर्शिवादको रुपमा लिएको छु ।

सामाजिक संजालमा सयौंको संख्यामा जन्मदिनको शुभकामना आएका छन् । भरसम्भव सबैलाई धन्यवाद दिने कोशिश गरेको छु । यस बावजुद पनि केहीलाई धन्यवाद दिन छुटेको हुनसक्छ । तसर्थ यस पोष्टलाई हजुरहरुले जन्मदिनमा दिनुभएको आषिशको ‘धन्यवाद पोष्ट’को रुपमा लिइदिनुहुन विनम्र अनुरोध गर्दछु ।