म नेपाली । म आफुलाई मनमा लागेका कुरा लेख्न मन पराउँछु । म यात्रा गर्न, फोटो खिच्न अaनि कुरा सुन्न रुचाउँछु । त्यसैले करिब दश वर्ष अगाडिदेखि मैले ब्लग लेख्न सुरु गरेको थिए । मेरा ब्लगमा प्राय मैले यात्रा गर्दा गरेका अनुभवहरु छन । यसका साथै मैले आफै अनुभव गरेका कुराहरु पनि म लेख्न रुचाउँछु ।
म पनि यसै समाजको एउटा सदस्य हुँ । त्यसैले समाजमा भएका कुराहरुलाई म गहिरोसँग नियाल्छु । त्यसबाट मलाई केही नयाँ कुरा सिक्न मद्दत मिल्छ । समाजमा भएका घटनाबारेमा मलाई आफ्नो धारण पनि राख्न मन लाग्छ ।
मैले बाल पत्रकारको रुपमा लेख्न सुरु गरेको थिए । केही समय मुलधारको पत्रिकामा आवद्ध पनि भए । पत्रकारिता अनि फोटोपत्रकारिताको अनुभव पनि संगाले । मैले पत्रकारिता गर्दा जहिलेपनि नसुनिएकाहरुको आवाज बन्ने कोशिश गरे ।
त्यसैले म भन्न सक्छु मैले इमान्दार भएर पत्रकारिता गरे ।
पत्रकारिताका अलावा मेरो जिवनको महत्वपूर्ण भाग सामाजिक क्षेत्र हो । बालक्लवको सदस्यको रुपमा मैले सामाजिक क्षेत्रमा प्रवेश गरेको थिए । युवाहरुको अधिकार, सूचनाको हक, मानवअधिकार संरक्षण र प्रर्वद्धनको क्षेत्रमा मैले एउटा इँटा मात्र भनेनी थप्न सके भन्ने लागेको छ ।
नेपालको एउटा ग्रामिण भेगमा जन्मिए । ग्रामिण विकासमा सरकारी विश्वविद्यालयबाटै स्नाकोत्तर गरे । नेपालमा भएका विभिन्न संघसंस्थासँग अफ्रिकामा पनि आएर आफ्नो क्षमता प्रर्दशन गर्न र सिक्न सकेको छु ।
एउटा नेपालीको रुपमा मलाई यहि कुरामा गर्व लाग्छ ।
म बिशाल रानामगर । म एक नेपाली । धन्यवाद ।