अफराष्ट युगाण्डामा रहेका नेपालीहरुले हरितालिका तिज विविध कार्यक्रम गरी मनाएका छन् । गैर आवाशिय नेपाली संघ युगाण्डाको आयोजनामा १० सेप्टेम्बर -भदौ २५ गते ऋषि पञ्चमी)मा युगाण्डाको राजधानी कम्पालामा हरितालिका तिज साँझको आयोजना गरी मनाइएको हो । हरेक वर्षmै संघले आयोजना गरेको तिज मिलन कार्यक्रममा युगाण्डामा सरकारी, गैरसरकारी, संयुक्त राष्ट संघ, नीति तथा पर्यटन क्षेत्रमा कार्यरत ५५ जनाको सहभागीता रहेको थियो ।
कार्यक्रमको उद्घाटन गर्दै गैर आवासिय नेपाली संघ युगाण्डाका अध्यक्ष जिबन पंगेनीले संघलाई कानुनी रुपमा अगाडि बढाउनको लागि पहल जारी रहेको बताए । अध्यक्ष पंगेनीले कार्यक्रममा संघका कार्यसमिति सदस्यहरुलाई परिचयसमेत गराएका थिए । जसमा इश्वरी बश्याल, मन्जुल पाठक, विनोद खरेल, राज गिरी, भानु भण्डारी रहेका छन् । यसैगरी युगाण्डामा रहेका नेपालीहरुलाई अप्ठ्यारो पर्दा सहयोग गर्ने संयुक्त राष्टसंघमा कार्यरत अमित अर्याल, संघलाई औपचारिकता प्रदान गर्नका लागि पहल गरिरहनुभएका ओमप्रकाश उपाध्यायलगायतलाई समेत धन्यवाद ज्ञापन गरिएको थियो ।
कार्यक्रममा संघका कोषाध्यक्ष तथा साँस्कृतिक कार्यक्रम प्रमुख रमेश कंडेल र तेजेन्द्र विवशले गीत तथा नृत्यको माध्यमबाट कार्यक्रमलाई सफल पार्न सहयोग गरेका थिए । बिशाल रानामगरले सञ्चालन गरेको कार्यक्रममा करिब ४ घण्टा तीज गीत गाउनुका साथै नाचगान गरिएको थियो ।
